فشّة خلق هندسية

1 07 2008

هي المشاركة كتبتا أساساً كتعليق على موضوع نزل بالمنتدى الخاص بالكلية تبعي..

الموضوع كان أنو في طلاب عم يسألو عن أسماء المواد بالفصل الدراسي القادم، فكانت لي الفشّة التالية:

على فكرة يعني لا تغرّكون أسماء المواد، لأنو الاسم شي والمنهاج شي تاني تاني تاني تاني وتالت ورابع كمان!!!

مثال: معالجة الإشارة، بتبين كأنو حلم المهندس العربي كيف يقدر يصمم نظام بيستلم إشارة وبيعالجا بطريقة ما (بياخد منا مكونات أو بيضيف، ممكن مثلاً يضيف مؤثرات على إشارات الصوت، أو أي شي ممكن يفيد بشكل عملي… أي شي!!)
أما المنهاج فحدث ولا حرج!! ما حسيت غير أخدنا شوية رياضيات وعلاقة طي إشارة (ما فهمت ولا رح افهم مشان شو الواحد بيستخدما)، بعدين أجو الحبابين علاقات فورييه وتحويلات z.. وخلصت المادة..
حدا فهم شي من موضوع معالجة الإشارة؟؟؟ أكيد لأ!!
حدا عرف شو تطبيقاتا بالحياة العملية؟؟؟ كمان لأ!!
حدا استوعب شو هاد النظام الخطي غير المتحول بالزمن ومشان شو منستخدمو؟؟؟؟ لأ!!

الغريب بالموضوع أنو الكلية ليش عم تعطينا هالمواد، إذا كان السوق معبى ببرامج بتحول فورييه وz بدقة متناهية وبدون أخطاء.. بقا إذا المادة تطبيق قوانين، نحنا شو صرنا منفرق عن البرنامج؟؟؟؟؟ يعني عأساس مهندس حاسبات، حاسس حالي آلة حاسبة مو مهندس!!

بس طبعاً فهمنا شغلة: (مأخوذة من صفحة 13 بالكتاب المقرر)
” يعتبر مفهوم معالجة الإشارة الرقمية أحد مجالات العلوم الهندسية التي تتطور بسرعة كبيرة خلال العشرين عاماً الأخيرة. ويعود هذا التطور السريع إلى التقدم الهائل في مجال تقنية الحاسب الرقمي وفي صناعة الدارات المتكاملة…”
بيكفي مو هيك؟؟؟ حاجة أنا برأيي.. هي المادة فعلاً يمكن أفيد مادة باخدا بحياتي (بعد أسطورة التحكم الحديث طبعاً)!!!

تتهنو بهالكلية وبهالمواد.. أو بالأحرى اتهنو بالعطلة وانسولي المواد شوي..

نصيحة من “مجرّب”..

Advertisements

Actions

Information

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




%d bloggers like this: